يوميات طفل تحآكي الواقع

اهلييين ,, كييف الحال

قريت موضوع في منتدى وعجبني فحبيت انكم تقرونه

يوميات طفل تُحاكي [ الوا قع ] .. !


السبت/

فتحت عيوني , أدور عن " نور "
قالوا لي : غمض , وغمضت
بعدها ماشفت ( لا أبيض ولا أسود ) !



الأحد /

كنت أسمعهم يقولون :
ياحمار , ياحيوان , ياثور , يابقره , يالوح , ياجدار
توقعت إني في ( حديقة حيوانات )
فتحت عيوني أبغى أشوف هـ " الحيوانات "
قالوا لي : مايصلح تشوف , قلة أدب
سألتهم : طيب فيه ( عصفور ) ؟
صرخوا في وجهي : أنطم وغمض ~



الإثنين /

اسمحوا لي أشوف التلفزيون
كنت بروحي منسجم مع أفلام كرتون
دخلت أمي , وكان أبو عائلة آدمز ( يبوس )أمهم !
ركضت أمي وغيرت القناة
وصرخت بـ أعلى صوتها ( عيب عليك قاعد
تشوف قلة أدب ) !
ناظرتها بكل برائه وأنا مستغرب من تصرفها :
طيب وش صار أبوهم يبوس أمهم !
صرخت بوجهي وهي معصبه ( التبويس قلة حياء )



الثلاثاء /

كانوا بنات خالتي عندنا , وكنت الولد الوحيد
اللي يلعب معهم
وأبوي بس يبحلق فيني وين مارحت
ووين ماجيت !
بعد ماراحوا بنات خالتي , ناداني أبوي وقال :
( عيب الواحد يجلس مع بنات , قلة أدب )
بعدها بكم يوم , كآن أبوي جالس مع عماتي بروحه
ناظرته بطرف عين وأنا حاقد عليه
وقلت له : ( بابا اللي يجلس مع البنات قليل أدب ) !



الاربعاء /

كنت أسمعهم بعد يقولون ( جيم كاري فاسد )
فـ كرهته من قلب
وكانوا يشوفون أفلامه , ويضحكون
سألتهم : ليش تضحكون , ما تقولون عنه فاسد ؟
قالوا : ورا ما تنطم وتسكت !



الخميس /

كنت جالس مع أبوي , قال لي ذاكرت دروسك ؟
قول الصراحة , لا تكذب الكذب حرام
واللي يكذب يدخل النار ,
وفجأة يرن التليفون !
قال أبوي , رد وإذا لقيته عمك , قل أبوي نايم
رديت وبكل براءة:
( هلا عمي , بابا يقولك أنه نايم )
وينه أبوك ؟
أبوي هنا جنبي
" بعد المكالمة "
عصب علي أبوي , يالوح ماتفهم ؟
قلت بابا ( أنا ما أبغى أدخل النار )



الجمعة /

أسمعهم يقولون :
أن اللي يطول في المكالمة " يغازل "
واللي يروح السوق بكثرة " يغازل "
واللي يعرف الأنترنت " يغازل " .. !






وأنا ما أعرف معنى يغازل !
وأمي تطول على التلفون , وتروح السوق كل يوم ,
وتدخل الإنترنت كل يوم !
رحت لـ بابا وأنا أصيح : بابا إلحق ( ماما تغازل ) !


منقوووول

أجمل تحياتي لكم